فيه كلمتين عايزه أقولهم وبما انى مبعرفش اكتب لا عاميه ولا عربيه فهى مجرد شخابيط وخلاص ..
اعتبروا انه انا بكلم نفسى فاللى كلامى ميبقاش مفهوم بالنسباله يقفل الصفحه ولا كأنه شاف حاجه ..عادى يعنى
هوا لو انا دلوقتى لو عرفت انه انا هموت كمان أسبوع بالظبط ؟ هعمل ايه ؟ أنا عن نفسى هقعد اعمل كل حاجه ترضى ربنا واعملها واقعد اشوف فين الحاجات اللى هتدينى حسنات كتير واكتر منها ومعملش حاجه غلط والصلاه فى وقتها والصدقة وصيام وقيام ليل وكل الكلام الجميل دا ..
طيب بجد بجد يعنى ..هوا انا ليه مش مفترضه انه انا ممكن اموت دلوقتى ؟ دلوقتى بمعنى دلوقتى يعنى قبل أما أكمل اللى أنا بكتبه دا .. طب إيه ؟
كل اللى عايزه اقوله - والكلام ليا - لازم أحط فى دماغى دايما انه أنا ممكن أموت دلوقتى ! لو الفكره دى سيطرت عليا بجد ..عمرى ما هعمل معصيه لأنى هخاف انى وقت ما أعمل معصيه يكون دا ال "دلوقتى" اللى انا هموت فيه ..وهبقى دايما حريصه انى دايمااا وفى كل وقت أعمل كل شئ يرضى ربنا عشان لو "الدلوقتى" دى جت أقابل ربنا وانا بعمل شئ يرضيه مش شئ يخلينى أندم وقت أما مينفعش اندم ..
بس ..
كلام جميل والله يا سارة على طول بفكر فى الموضوع ده وساعات لما بحس انى ممكن اموت دلوقتى و ساعات والله بحس ان روحى بتطلع بفضل اقول اعمل ايه دلوقت الحق نفسى بايه افرد كانت اللحظات الاخيرة والله الى بقوله دعاء سيد الاستغفار لان ي البخاري عن شداد بن أوس رضي الله تعالى عنه عن النبي صلى الله عليه وسلم قال: سيد الاستغفار: اللهم أنت ربي لا إله إلا أنت، خلقتني وأنا عبدك وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي وأبوء بذنبي، فاغفر لي فإنه لا يغفر الذنوب إلا أنت.
ردحذفقال: من قالها من النهار موقناً بها فمات من يومه قبل أن يمسي فهو من أهل الجنة، ومن قالها من الليل وهو موقن بها فمات قبل أن يصبح فهو من أهل الجنة. جزاك الله خير يا سارة